Só word Mdluli beskerm

Vistreiler is nou glo 25?m nader aan strand:  Toerusting word gister per helikopter na Clifton se Eerste Strand gebring terwyl diesel met ’n spesiale pyp uit die Eihatsu Maru tot in ’n rubbersak op die strand gepomp word. Die rubbersak is op ’n groot plastiekseil op die strand uitgerol en die olie word stadig maar seker oorgepomp om te verseker dat daar geen besoedeling is nie. Foto: Lulama Zenzile

Franse gevegskepe in Kaapstad:  Die Dixmude, ’n amfibiese aanvalskip en helikopterdraer, lê gister vasgemeer in Duncan-dok in die Kaapstad-hawe. Dié Franse skip het gisteroggend saam met die George’s Leygues, ’n teenduikboot-fregat (agter die Dixmude), hier aangekom. Die Dixmude is 199?m lank. Die skepe sal vir ses weke in die hawe wees. Foto: Michael Hammond

DA leiers:  Lindiwe Mazibuko en Helen Zille tydens die organisasie se betoging in Johannesburg gister. Die DA in Gauteng het bevestig dat hy aanklagte van intimidasie teen Cosatu gaan lê in verband met geweld wat uitgebreek het. (Foto: Bongiwe Gumede)

DA, cosatu slaags by optog oor jeug:  (Links)’n Woedende Cosatu-ondersteuner gooi ’n klip gedurende die DA se optog gister na die vakverbond se hoofkantoor. Die polisie het later met traanrook ingegryp.Foto: REUTERS
Medelede help ’n beseerde ondersteuner van die DA nadat hy deur ’n klip getref is tydens die protesoptog. Talle mense is beseer.Foto: AP | THEMBA HADEBE

Diesel van vistreiler uitgepomp:  Twee helikopters is teen skemer ingespan om toerusting op Clifton-strand en op die Eihatsu Maru te laat sak. Die bergingspan hoop om vandag teen 09:00 te begin om diesel uit die vistreiler na die land te pomp sodat die skip ligter gemaak kan word. Foto: Rudolf Stehle

  Genl. Jean-Louis Georgelin, kanselier van Frankryk se Nasionale Orde, ken gister die Groot Kruis van die Legion d’Honneur toe aan pres. François Hollande nadat hy amptelik as Frankryk se nuwe president beëdig is.Foto: AP | FRED DUFOUR